LVPA

NVNTII

Provocatio ad societatem c. n. UNESCO

Die Solis, 13 Novembris 2011 16:09

"Membra cuncta illius consociationis, quae vulgo a compendiariis litteris UNESCO nomen trahit, vehementer exhortamur ne suadere desistant praesidibus omnium Rerum publicarum linguas Graecam Latinamque fovendas, tutandas, divulgandas esse, tum ut recipiant utramque linguam in totius humani generis patrimonium."

Plura legas in:
http://www.vivariumnovum.net/unesco

Provocatio ipsa:
http://www.petitiononline.com/heritage/petition.html

LVPA commendat: Cum timore lusum venias...

Die Iovis, 03 Novembris 2011 23:19

Dies lupini

Die Martis, 18 Octobris 2011 18:38

Dies huius septimanae lupis omnium generum dicatos esse praedicamus! Favete igitur praecipue hoc ipso tempore omnibus lupis et praesertim lupabus quae vobis ubicumque terrarum occurrant. Imaginibus his utrimque adiectis quae in therotrophio captae sunt intellegi potest dies lupinos quoque in nostra civitate impigre celebrari.
Plura sermone barbaro scripta INDE comperire licet.

Musae inter arma

Die Veneris, 22 Iulii 2011 21:23

orfeus Proverbium vetus 'inter arma silent Musae' refutatum! Et quis alius hoc efficiat nisi LVPA? Illa tantum in castra Romanorum prope vicum Rohozná posita ingressa est, illa tantum cultum atque humanitatem in militum venas infudit, cum die 20 mensis Iulii mython Graecum De Orpheo et Eurydica in lucem edidit. Complacuit enim iis, qui in silvis campum tentorium pueris destinatum parant ducuntque, argumento "Imperium Romanum" electo vitam rationemque Romanorum simulare atque nos, ut fabellam ageremus, invitare, quibus omnibus LVPA iterum iterumque gratias pro hospitio singulari solvit. HIC non solum imagines personarum vestiumque, verum etiam histrionum in scaena agentium videre licet.