LVPA

NVNTII

Rosaciolae praelibatio nova

Die Veneris, 03 Decembris 2010 14:33

In lucem praelibationem novam Rosaciolae edidimus, quae simul cum exigua parte e pellicula

deprompta HOC LOCO inveniri potest.

Pellicula Rosaciolae primum in Europa monstrata

Postquam America Foederata superata est, LVPA domum rediit, ut fautoribus suis fidelibus Pragae Rosaciolam ante diem natalem Christi donum daret.

En tibi photographemata inter vesperum illum praeclarum excepta.

LVPA Americana

Die Solis, 28 Novembris 2010 22:57

Longum iter primum trans Oceanum facere instituit.

Vrbem omnium maximam dein avidissima tetendit.

Plausu haud parvo tum totum theatrum personabat.

Americanis postremo cultum et humanitatem intulit.

Vin plura videre? Hoc loco imagines invenies.

Certaminis Lupini victor!

Die Saturni, 30 Octobris 2010 16:21

Victorem vel potius victricem primi certaminis Lupini iam habemus!

Nam Lenka Prokopcová ter millesima situm LVPAe adiit atque discum Rosaciolae accipiet.

!!!LVPA ex animo gratulatur!!!

At nolite desperare, admiratores ceteri fideles, - hospes enim quater millesimus discum Aureolae impetrabit.

Certamen Lupinum semper pergit...

LVPA Novi Eboraci!!!

Die Saturni, 02 Octobris 2010 09:43

Ita est! Thoma Petráň, artifice cinematographico eximio, exhortante et adiuvante LVPA mense Novembri Civitates Foederatas Americanas petet, immo Novum Eboracum, ut ibi in Domo cultus Bohemici (Czech Center) pelliculam Rosaciolae nuper ad finem perductam coram Latinitatis studiosis necnon aliis spectatoribus Novoeboracensibus monstret.

Praeter horama c. n. Rosaciola ludum quoque scaenicum LVPA novis quibusdam viis ac rationibus atque modo, dicamus, postmoderno ex Rubra Cuculla et Casula... compositum in scaena est actura. Cui fabellae novae nomen est De Casula Cuculla! Fabulae 20. 11. 2011 (19 hod.) praebebuntur.

Hoc loco etiam pagina spectaculis nostris dicata et in situ Domus cultus Bohemici posita invenitur.